სლოვენიური კლუბის “მარიბორის” ოთხი ახალგაზრდა ფეხბურთელი ავტოკატასტროფაში მოყვა. ავტომობილი, რომლითაც მოთამაშეები გადაადგილდებოდნენ, ერთ-ერთ გზაჯვარედინზე გზიდან გადავიდა და შუქნიშნის ბოძს შეეჯახა.

ავარიის შედეგად 21 წლის სერბი შემტევი ზორან ბალიაკი და 20 წლის სლოვენიელი მცველი დამიან მარიანოვიჩი გარდაიცვალნენ. 19 წლის სერბმა მეკარემ ლიუბომირ მორავაცმა სერიოზული დაზიანებები მიიღო, ხოლო 19 წლის სლოვენიელ მცველს ჟიგა ლიპუშჩეკს მცირე დაზიანებები აქვს.