33 წლის ამერიკელი ფორვარდი დევიდ ლი კარიერას “სან ანტონიოში” გააგრძელებს, აღნიშნულ ინფორმაციას EშPN-ი ავრცელებს. წყაროს ცნობით, თავისუფალი აგენტი დევიდ ლი ტეხასურ კლუბთან 2-წლიან კონტრაქტს გააფორმებს, რაშიც კალათბურთელი 3.2 მილიონ ამერიკულ დოლარს მიიღებს.

გასულ სეზონში ფორვარდი “ბოსტონის” ღირსებას იცავდა, სადაც საშუალოდ ერთ შეხვედრაში 7.8 ქულას და 5.5 მოხსნას აგროვებდა.