სლოვაკეთის ეროვნული ნაკრების და აწ უკვე "ლივერპულის" ყოფილი მცველი მარტინ შკრტელი კარიერას "ფენერბაჰჩეში" გააგრძელებს. აღნიშნული ინფორმაცია თურქული კლუბის ტვიტერის გვერდმა გაავრცელა. ფეხბურთელის სანაცვლოდ ინგლისელებმა 5 მილიონი გირვანქა სტერლინგი მიიღეს.

შკრტელი "მერისისაიდელი" 2008 წელს გახდა. მას შემდეგ სლოვაკმა მცველმა "ლივერპულის" მაისურით 319 მატჩი ჩაატარა და 18 გოლი გაიტანა. მარტინმა გუნდთან ერთად მხოლოდ ერთი ტიტული მოიგო - 2012 წელს ინგლისის ლიგის თასის გამარჯვებული გახდა.