ქართველი ჩოგბურთელი სოფო შაფათავა იტალიის ქალაქ ტურინში მიმდინარე საერთაშორისო ტურნირის (საპრიზო ფონდი 25 ათასი დოლარი) წყვილთა თანრიგის ფინალურ მატჩში ითამაშებს.

პირველი განთესვით მოთამაშე შაფათავამ და იტალიელმა ალის მატეუჩიმ არგენტინულ დუეტს (ესტაბლე-ფარფანი) 2:6, 6:4, 10:5 სძლიეს და გადამწყვეტ შეხვედრაში მე-2 რეიტინგის მქონე მაკედონიურ-სლოვენიურ წყვილს (გორჩესკა-იაკუპოვიჩი) ეთამაშებიან.

ერთეულთა შეჯიბრში მე-3 ნომრად განთესილმა შაფათავამ მეოთხედფინალში მე-5 რეიტინგის მქონე მაკედონიელ ლინა გორჩესკასთან 4:6, 5:7 წააგო.