იტალიის დედაქალაქ რომში დაწყებულ 25-ათასიან ტურნირზე წარმატებული სტარტი აიღო საქართველოს პირველმა ჩოგანმა სოფო შაფათავამ.
ის და სლოვაკი რებეკა სრამკოვა წყვილთა შეჯიბრის მერვედფინალში იტალიელებს – სუსანა და ვირჯინა ჩიკონეებს გაეჯიბრნენ და ძალიან იოლად – 6:0, 6:0 სძლიეს.
ერთეულთა ბადეში შაფათავას მე-2 განთესვა გააჩნია და პირველ წრეში ავსტრალიელ ელისონ ბაის გაეჯიბრება.
