“გოლდენ სტეიტის” ერთ-ერთი ლიდერი დრეიმონ გრინი “კლივლენდთან” ნაციონალური საკალათბურთო ასოციაციის ფინალური სერიის წაგებაში (3:4) საკუთარ თავს ადანაშაულებს.

შეგახსენებთ, რომ გრინმა სერიის მეხუთე შეხვედრა სამი არასპორტული ჯარიმის გამო გამოტოვა, სწორედ ამაში ადანაშაულებს მძიმე ფორვარდი თავის თავს.

“სერიის წაგებაში საკუთარ თავს ვადანაშაულებ. ეს ლიდერისთვის მნიშვნელოვანია. მეხუთე მატჩი რომ არ გამომეტოვებინა, სერიაში ყველაფერი სხვანაირად წავიდოდა. ახლა მომავალი სეზონისთვის უკეთ უნდა მოვემზადოთ, მაგრამ არასდროს გამიჭირდება იმის თქმა, რომ მარცხი ჩემი ბრალია. ჩვენ დიდებული სეზონი გვქონდა, ყველა იტყვის, რომ ამ ბიჭებმა 73 მატჩი მოიგეს, მაგრამ ჩემპიონის ტიტული ვერ მოიპოვეს”- განაცხადა გრინმა