ქართველმა ჩოგბურთელმა ეკატერინე გორგოძემ გერმანიის ქალაქ ბრაუნშვაიგში დასრულებული საერთაშორისო ტურნირის (საპრიზო ფონდი 25 ათასი დოლარი) ფინალში გასვლა მოახერხა, თუმცა, მთავარი პრიზის მოპოვება ვეღარ შესძლო.

გორგოძემ Braunschweig Women's Open 2016-ზე 4 მატჩი მოიგო. ეკატერინემ გერმანელ ლისა მატვიენკოს 6:4, 2:6, 7:5 სძლია, იტალიელ მარტინა გარეგაროს – 4:6, 6:3, 6:4, შვეიცარიელ პატი შნიდერს – 3:6, 6:4, 7:5, ხოლო ჩინელ შილინ ქსუს (მე-3 განთესვა) – 0:6, 6:4, 6:3 აჯობა.

ფინალში გორგოძე მე-4 რეიტინგის მქონე სერბ ნინა სტოიანოვიჩს გაეჯიბრა და 4:6, 3:6 დამარცხდა. შედეგად, ქართველმა ჩოგბურთელმა 30 სარეიტონგო ქულა გამოიმუშავა და რეიტინგში წინსვლა ელის. ამჟამად, გორგოძე 124 ქულით 320-ე ადგილზეა.