იტალიურმა “რომამ” გერმანიის ეროვნული ნაკრების მცველი ანტონიო რუდიგერი სრულად გამოისყიდა. გამოცემა “გაძეტა დელო სპორტის” ინფორმაციით, “მგლებს” 23 წლის ფეხბურთელის შეძენა 9.5 მილიონი ევრო დაუჯდათ. თუმცა, ერთი წლის წინ, “შტუტგარტს” “ჯალოროსიმ” 4 მილიონი ევრო გადაუხადა ერთწლიან იჯარაში, ანუ გამოდის, რომ რომაელებმა რუდიგერის სანაცვლოდ მთლიანობაში 13.5 მილიონი გაიღეს.

გერმანელმა მცველმა გასულ სეზონში იტალიის ჩემპიონატში 30 მატჩი ჩაატარა და 2 გოლის გატანა შეძლო. ამჟამად რუდიგერი გერმანიის ნაკრებთან ერთად ევროპის ჩემპიონატზე სათამაშოდ ემზადება.