ინგლისის პრემიერლიგის ახალწვეულმა “მიდლსბრომ” პირველი ტრანსფერი გაჩარხა. როგორც “ბოროს” ვებგვერდი იტყობინება, ინგლისურმა გუნდმა ამსტერდამის “აიაქსიდან” იმედისმომცემი დანიელი თავდამსხმელი ვიქტორ ფიშერი გაიფორმა. 21 წლის სკანდინავიელმა შემტევმა “მიდლსბროსთან” 3-წლიან კონტრაქტს მოაწერა ხელი.

ფიშერმა, რომელიც “აიაქსის” მთავარ გუნდში 2012 წლიდან მოყოლებული თამაშობს, გასულ სეზონში ერედივიზიონში 28 მატჩი ჩაატარა და მეტოქეთა კარში 8 გოლის გატანა შეძლო.