პორტუგალიი სეროვნული ნაკრების ყოფილმა თავკაცმა პაულუ ბენტუმ "კრუზეირო" ჩაიბარა. კლუბის ოფიციალური ვებგვერდის ინფორმაციით, 46 წლის სპეციალისტმა ბრაზილიელებთან კონტრაქტი 2017 წლის დეკემბრის ბოლომდე გააფორმა.

ბენტუ 2005/09 წლებში ლისაბონის "სპორტინგში" მუშაობდა. შემდეგ პორტუგალიის ეროვნული ნაკრები ჩაიბარა და გუნდი ევროპის და მსოფლიოს ჩემპიონატებზე გაიყვანა. 2014 წლის მუნდიალზე პაულუს ნაკრები ჯგუფში ჩარჩა. 2014 წლის 7 სექტემბერს, პორტუგალიამ შინ ალბანეთთან წააგო, ამის შემდეგ კი ფედერაციამ ბენტუ დაითხოვა.