ურუგვაის ეროვნული ნაკრების და "სანდერლენდის" საკუთრებაში მყოფი მცველი სებასტიან კოატესი "სპორტინგში" კიდევ ერთი სეზონი დარჩება. როგორც ლისაბონური კლუბის ოფიციალური ვებგვერდი იუწყება, პორტუგალიელებმა სამხრეთამერიკელი ინგლისელებისგან ერთი სეზონით ინათხოვრეს.
"შავმა კატებმა" "სპორტინგში" ფეხბურთელი მიმდინარე წლის იანვარში გაანათხოვრეს და მას შემდეგ მცველმა პორტუგალიის ჩემპიონატში 12 მატჩი ჩაატარა, თავი კი 1 საგოლე გადაცემით გამოიჩინა.
