კოსოვო ახლა უკვე ოფიციალურად უეფას წევრია. ამის შესახებ ევროპული ფეხბურთის მმართველი ორგანიზაციის ვებგვერდი იუწყება. კოსოვო უეფას 55-ე წევრი ქვეყანა იქნება. აღნიშნული გადაწყვეტილება დღეს, ბუდაპეშტში გამართულ კონგრესზე მიიღეს.
კოსოვოს უეფაში გაწევრიანებას მხარი 28 დელეგატმა დაუჭირა, ხოლო 24 წინააღმდეგ წავიდა.
აღსანიშნავია, რომ კოსოვოდან არიან საკმაოდ ცნობილი ფეხბურთელები, მაგალითად, ადნან იანუზაი, შერდან ჩაქირი, ლორიკ სანა, ვალონ ბეჰრამი, ბლერიმ დზემაილი და სხვანი. თუმცა, ისინი უკვე კარგა ხანია სხვადასხვა ქვეყნის ნაკრებებში თამაშობენ.
