იტალიურ “რომაში” განხეთქილებაა. როგორც ავტორიტეტული გამოცემა “ტუტოსპორტი” წერს, ბერგამოს “ატალანტასთან” (3:3) მატჩის შემდეგ გასახდელში მთავარმა მწვრთნელმა ლუჩანო სპალეტიმ და კლუბის კაპიტანმა ფრანჩესკო ტოტიმ იჩხუბეს. თვითმხილველთა თქმით, ისინი ერთმანეთს ხელითაც შეეხნენ. მოკლედ, “ჯალოროსიში” მდგომარეობა დაიძაბა.

მოგეხსენებათ, აღნიშნული შეხვედრა “რომამ” ვერ მოიგო, მიუხედავად იმისა, რომ თავიდან 2:0 იგებდა. ეგ კი არა, 86-ე წუთზე დედაქალაქური გუნდი მარცხისგან სწორედ 39 წლის ტოტიმ იხსნა, რომელიც მოედანზე მატჩის დასრულებამდე 10 წუთით ადრე გამოჩნდა.

საერთოდ, მას შემდგომ, რაც “რომა” სპალეტიმ ჩაიბარა, ტოტის სათამაშო დრო მკვეთრად შეუმცირდა და მათ შორის კონფლიქტზეც პრესაში არაერთხელ დაწერილა...