"ლესტერის" მთავარმა მწვრთნელმა კლაუდიო რანიერიმ "ვესტ ჰემთან გასამართი მატჩისწინა პრესკონფერენციაზე განაცხადა, რომ მისი მიზანი ჩემპიონთა ლიგის ჯგუფურ ეტაპზე პირდაპირ გასვლაა.
"ჩემპიონთა ლიგის ჰიმნი მომწონს. კვალიფიკაცია - ეს ჯერ კიდევ არაა ჩემპიონთა ლიგა. ორმატჩიანია, აი მე კი 6 შეხვედრა მსურს. აქამდე რასაც მივაღწიეთ ეს არაფერია, ჩვენ ბრძოლას განვაგრძობთ." - ციტირებს BBC იტალიელის სიტყვებს.
"მელიებს" ჩემპიონთა ლიგის საკვალიფიკაციო ეტაპზე გასვლა უკვე განაღდებული აქვთ. 17 აპრილს "ლესტერი" შინ "ვესტ ჰემს" მიიღებს და მოგების შემთხვევაში ჩემპიონობისკენ კიდევ ერთ ნაბიჯს გადადგამს.
