საქართველოს ფეხბურთელთა ეროვნული ნაკრები ყაზახეთთან ამხანაგურ მატჩს მართავს. იხილეთ საზოგადოებრივი მაუწყებლის პირდაპირი რეპორტაჟი "დინამო არენადან"

საქართველო: რევიშვილი, ლობჟანიძე, კაშია, ამისულაშვილი, ნავალოვსკი, კანკავა, აბურჯანია, ყაზაიშვილი, ოქრიაშვილი, ანანიძე, ჭანტურია.

სათადარიგოთა სკამი: კვასხვაძე, ლორია, კვერკველია, კვეკვესკირი, კაჭარავა, ქვილითაია, დვალი, ყენია, კობახიძე, ძალამიძე, ვაწაძე.

მთავარი მწვრთნელი: ვლადიმირ ვაისი

ყაზახეთი: ლორია, ბეისებეკოვი, ლოგვინენკო, ჩშიოტკინი, ნურგალიევი, მალი, შომკო, კუატი, მუჟიკოვი, ხმაკოვი, სუთუმბაევი.

სათადარიგოთა სკამი: პოკატილოვი, პლოტნიკოვი, ბაიჟანოვი, კოჟამბერდი, კუანტაიევი, ტაგიბერგენი, კონისბაევი, ახმეტოვი, მუხტაროვი, ხიზრიჩენკო, ისლამხანი, დოსმაგამბეტოვი.

მთავარი მწვრთნელი: ტალგატ ბაისუფინოვი

მსაჯი: კლეიტონ პისანი (მალტა)

მატჩის ტექსტური ლაივი

წუთი 1 - თამაში დაიწყო. შეხვედრა ქართველმა ფეხბურთელებმა დაიწყეს.

წუთი 2 -დმიტრი შომკომ მარჯვენა ფლანგიდან საჯარიმოში ჩააწოდა, სადაც ნუკრი რევიშვილს ბურთი ხელიდან გაუვარდა, მაგრამ მეორე ცდაზე შეძლო მისი დაფიქსირება.

წუთი 4 - ჯანო ანანიძე საჯარიმოში სახიფათოდ შევიდა, რის შემდგომაც იქვე მყოფი თორნიკე ოქრიაშვილი მოძებნა. თავის მხრივ, ქართველმა შემტევმა გიორგი ჭანტურიას დასარტყმელად დაუგორა, თუმცა მის შეტევას დავით ლორია ადვილად გაუმკლავდა.

წუთი 13 - ქართველთა სახიფათო შეტევა: ანანიძემ ბურთი საჯარიმოში გიორგი ნავალოვსკის შეაყოლა, რომლის გამჭოლ გადაცემას ვაკო ყაზაიშვილი გამოეხმაურა, მაგრამ მისი ეფექტური დარტყმული სტუმართა კიპერმა კუთხურზე მოიგერია.

წუთი 19 - ჭანტურიამ 30 მეტრიდან სტანდარტი შეასრულა, მაგრამ არაზუსტად; ბურთი ზემოდან გადაევლო ყაზახთა კარს.

წუთი 29 - კანკავამ შეტევა დაიწყო, კარგი პასი გაუკეთა ანანიძეს, რომელმაც ოქრიაშვილს გააყოლა ბურთი. მისი გამჭოლი, დაბალი გადაცემა კი ყახახმა მცველმა გაფურზან სუიუმბაიევმა ჩაჭრა.

წუთი 33 - კანკავამ მეტოქის გადაცემა საკუთარ ნახევარზე ჩაჭრა, რასაც სახიფათო კონტრშეტევა მოჰყვა. ყაზიშვილი- ჭანტურია-ოქრიაშვილის სამსვლიან კომბინაციას ისევ ყაზაიშვილი აგვირგვინებდა, მაგრამ ლორიამ კარგად ითამაშა და ბურთი მოიგერია.

წუთი 36 - გოლი: ყაზახებმა ქართველი ფეხბურთელების შეცდომით ისარგებლეს. მარჯვენა ფლანგიდან სერიკჟან მუჟიკოვმა დაბალი გადაცემა გაუკეთა აზატ ნურგალიევს, რომელსაც 11 მეტრიდან ხელს არავინ უშლიდა და ამ ეპიზოდში რევიშვილს გუნდის გადარჩენის შანსი არ ჰქონია - 0:1.

წუთი 38 - გოლი: კანკავამ შესანიშნავი პასით მარჯვენა ფლამგზე მარტოდ მყოფი უჩა ლობჟანიძე მონახა. ქართველთა მე-2 ნომერს ბევრი არ უფიქრია და საჯარიმოს მისადგომებთან ოქრიაშვილი მოძებნა. თავის მხრივ, თორნიკემ ერთი შეხებით დაარტყა და მეკარე არც განძრეულა - 1:1.

წუთი 45 - შეხვედრის მთავარმა არბიტრმა კლეიტონ პისანიმ მატჩს ერთი წუთი დაამატა, რომელიც გავიდა და ტაიმიც დასრუდლა. ფრე - 1:1.

წუთი 46 - სტუმარმა ფეხბურთელებმა თამაში განაახლეს და მეორე ტაიმი დაიწყო

წუთი 46 ცვლილებები: გავიდა - ამისულაშვილი, შევიდა - სოლომონ კვირკველია

გავიდა - ჭანტურია, შევიდა - ნიკა კაჭარვა

გავიდა - ლორია, შევიდა - ვლადიმი პლოტნიკოვი

გავიდა - ალექსეი ჩშიოტკინი, შევიდა - სერგეი კიჟინიჩენკო

წუთი 62 - მუჟიკოვმა მარცხენა ფლანგიდან ცენტრისკენ შეიწია და საჯარიმოს მისადგომებიდან დაარტყა, თუმცა ბურთი დიდი მანძილიდან ასცდა რევიშვილის კარს.

წუთი 65 - ცვლილება: გავიდა - მუჟიკოვი, შევიდა - ულან კონისბაიევი

წუთი 68 - ანანიძემ კუთხური ჩააწოდა, სოლომონ კვირკველიამ კი საჰაერო ორთაბრძოლა მოიგო. ბურთი მცირე მანძილით გადასცდა სტუმართა კარს.

წუთი 70 - გიორგი აბურჯანიას შემცდომის შემდეგ კარში სახიფათოდ ურტყამდა სმატ სმაკოვი, თუმცა არაზუსტად.

წუთი 72 - ნიკა კაჭავარა მეტოქის საჯარიმოში შიჭრა, თუმცა მცველებთან გარემოცვაში დაეცა. ამ ეპიზოდში მსაჯმა დამნაშავედ ქართველი შემტევი სცნო და სტუმართა სასარგებლოდ ჯარიმა დანიშნა.

წუთი 74 - ცვლილება: გავიდა - სმაკოვი, შევიდა - მაქსატ ბაიჟანოვი.

წუთი 77 - ცვლილება: გავიდა - ანანიძე, შევიდა - ლევან ყენია.

გავიდა - აბურჯანია - შევიდა - ნიკა კვეკვესკირი.

წუთი 78 - ქართველებს დაწინაურების კარგი შანსი ჰქონდათ: კაჭარავა ყაზახი მცველების შეცდომის შედეგად მეკარესთან პირისპირ დარჩა, მაგრამ უხეიროდ დაარტყა და მეკარემ მოიგერია.

წუთი 80 - ცვლილება: გავიდა - ნურგალიევი, შევიდა - ბაუირჟან ისლამკანი.

წუთი 82 - ცვლილება: გავიდა - ისლამბეკ კუატი, შევიდა - ასკატ ტაგიბერგენი.

წუთი 90 - ცვლილება: გავიდა - ლობჟანიძე, შევიდა - მათე ვაწაძე.

წუთი 90 - მალტელმა მსაჯმა თამაშს სამი წუთი დამაატა.

წუთი 93 - დამატებულ წუთებში სახიფათო მომენტი არ შექმნილა და მატჩის ფრედ, - 1:1 დასრულდა. ვლადიმირ ვაისის დებიუტი საქართველოს ნაკრებში ფრით დაიწყო.