საქართველოს 19-წლამდე ფეხბურთელთა ნაკრებმა ევროპის ჩემპიონატის შესარჩევი ელიტ რაუნდის მეორე ტურში ესპანეთთან მატჩი ფრედ 1:1 დაასრულა. ესპანეთის ქალაქ კარტაიაში, “ესტადიო ლუის როდრიგეს სალვადორზე” გამართულ შეხვედრაში ანგარიში მე-8 წუთზე არდაზიშვილის გადაცემით ირაკლი ბიძინაშვილმა გახსნა, ტაიმის მიწურულს კი ბორხა მაიორალმა გაათანაბრა. მეორე ტაიმმა უგულოდ ჩაიარა და ქართველებმა მიმდინარე ელიტ რაუნდში პირველი ქულა მოიპოვეს.
ამ დროისთვის ჯგუფს 4 ქულით ესპანელები ლიდერობენ, საქართველოს ნაკრები კი, რომელიც პირველ ტურში ინგლისთან 1:2 დამარცხდა, ისევ მესამე ადგილზე რჩება. ამავე ჯგუფში დღეს ინგლისელები უქულოდ მყოფ საბერძნეთის ნაკრებს ეთამაშებიან.
ევროპის ჩემპიონატის შესარჩევი ელიტ რაუნდი. I ჯგუფი. II ტური
26 მარტი. კარტაია, “ესტადიო ლუის როდრიგეს სალვადორი"
ესპანეთი - საქართველო 1:1 (1:1)
ესპანეთი: სორიანო, ამო, მერე, კარისოლი, ონტივეროსი, მაიორალი, ალენა, ბუნუელი, რივერა, კანოსი (46, ლატო; 74, პოვედა), ოიარსაბალი (54, მონტიელი)
მთავარი მწვრთნელი: ლუის დე ლა ფუენტე
საქართველო: გოშაძე, ჩაჩუა, არდაზიშვილი, ლოჩოშვილი, ჭიჭინაძე, ართმელაძე (81, კიკნაძე), მამუჩაშვილი (65, ალთუნაშვილი), მიქელთაძე, ბიძინაშვილი, კომახიძე, სამურკასოვი (76, ბერიძე)
მთავარი მწვრთნელი: გიორგი ყიფიანი
გოლები: 0:1 ბიძინაშვილი (8), 1:1 მაიორალი (42)
გაფრთხილება: ალენა (32), მერე (64) - ართმელიძე (26), ჭიჭინაძე (45), მამუჩაშვილი (61)
მსაჯი: ფიოდორ ზამითი (მალტა)
| 1. | ესპანეთი | 2 | 1 | 1 | 0 | 3:1 | 4 | ||
| 2. | ინგლისი | 1 | 1 | 0 | 0 | 2:1 | 3 | ||
| 3. | საქართველო | 2 | 0 | 1 | 1 | 2:3 | 1 | ||
| 4. | საბერძნეთი | 1 | 0 | 0 | 1 | 0:2 | 0 |
ბოლო ტურში, 29 მარტს, ქართველები საბერძნეთს ეთამაშებიან, ესპანელები კი ინგლისელებს დაუპირისპირდებიან. ჯგუფიდან მხოლოდ ერთი გუნდი გავა ფინალურ ეტაპზე, რომელიც 11-24 ივლისს გერმანიაში გაიმართება.
