რიგაში მიმდინარე ევროპის ჩემპიონატზე დღეს საქმეში ბერძნულ-რომაული სტილით მოჭიდავეები ჩაერთნენ. მედლები რვა წონითი კატეგორიიდან ოთხში: 59, 66, 98 და 130 კილოგრამებში უნდა გათამაშდეს. საქართველოს ნაკრებს მონაწილე ოთხივე წონაში ჰყავდა და მათგან საპრიზო სამეულისთვის ბრძოლას მხოლოდ ერთი შემორჩა – 66 კილოგრამში მოჭიდავე შმაგი ბოლქვაძე რეპეშაჟის ფინალშია, სადაც მეტოქედ ლატვიელი ნიკიტა მასიუკსი ეყოლება.

ირაკლი შავაძემ (59 კგ), რევაზ ნადარეიშვილმა (98 კგ) და იაკობ ქაჯაიამ (130 კგ) ევროხალიჩაზე გამოსვლა დილის პროგრამაშივე დაასრულეს.

ფინალური ბლოკის შეხვედრები თბილისის დროით 21 საათზე დაიწყება