1 მარტს, 20:00 სთ-ზე, სასტუმრო „ჰოლიდეი ინში“, ფუტსალში საქართველოს ეროვნული ჩემპიონატის - საქართველოს ფუტსალის ლიგის 2016 წლის გათამაშების პრეზენტაცია გაიმართება.
როგორც საქართველოს ფეხბურთის ფედერაციის პრესსამსახური იტყობინება, პირველობა სტარტს 14 მარტს აიღებს და იგი რვა გუნდიანი ფორმატით, ერთ წრედ წარიმართება. ჩემპიონობისთვის ბრძოლას საუკეთესო ოთხეული ორრაუნდიან პლეიოფში განაგრძობს. ჩემპიონატის თამაშებს ახალი სპორტის სასახლე უმასპინძლებს.