“გოლდენ სტეიტის” ლიდერი სტეფ კარი ნბა-ს ისტორიაში გახდა პირველი კალათბურთელი, ვინც ერთ სეზონში 300 სამქულიანი მოათავსა კალათში.

“ორლანდოსთან” მოგებულ მატჩში (119:113) სტეფ კარიმ 7 სამქულიანი ჩააგდო და მიმდინარე სეზონში სულ 301 ზუსტი შორეული ტყორცნა დაუგროვდა. კარიმ თებერვლის თვეში თავისივე რეკორდი გააუმჯობესა - 2014/15 წლებში სტეფმა 286 სამქულიანი ჩააგდო.

კარის მიმდინარე სეზონში 301 სამქულიანი აქვს მოთავსებული კალათში და რეგულარული სეზონის დასრულებამდე კიდევ 20 შეხვედრა დარჩა, სადაც გამთამაშებელი თავის რეკორდს კიდევ უფრო გააუმჯობესებს.