“დალას მავერიქსის” ქართველმა ცენტრმა ზაზა ფაჩულიამ დირკ ნოვიცკის სახელობის ბურგერების შესახებ იხუმრა. დირკბურგერები, რომლებშიც გერმანული სამზარეულოდან გარკვეული ინგრედიენტებია დამატებული, დალასური კლუბის მარტში დაგეგმილი საშინაო მატჩების დროს გაიყიდება.
“მირჩევნია, პირველებმა თქვენ გასინჯოთ. მე ამას მხოლოდ ნახევარი საათის შემდეგ გავაკეთებ, რაც დავრწმუნდები, რომ მათი ჭამა უსაფრთხოა”, - განუცხადა ზაზამ ჟურნალისტებს.
თავად ნოვიცკი მისი სახელობის ბურგერის გემოთი კმაყოფილი დარჩა, თუმცა, აღნიშნა, რომ მათი დიდი რაოდენობით მიღება ფორმის შენარჩუნებაში ხელს ნამდვილად ვერ შეუწყობს.
