ლიონელ მესიმ ორი დღის წინ პეტერ ჩეხთან მშრალი სერია შეწყვიტა და მეშვიდე ცდაზე გოლი გაუტანა, თანაც ორი. ამასთან დაკავშირებით ესპანურმა გამოცემა “მუნდო დეპორტივომ” სტატისტიკური მონაცემები შეაგოვა და აღმოჩნდა, რომ აქამდე არგენტინელ ვარსკვლავს 123 მეკარის კარი ერთხელ მაინც აქვს დალაშქრული.

მესის ყველაზე მეტი, 17 გოლი იკერ კასილიასთვის გაუტანია. ამ სიაში საპატიო, მეორე ადგილზე ბრაზილიელი დიეგო ალვეშია 16 გოლით, ხოლო ბილბაოს “ატლეტიკის” კიპერ გორკა ირაიზოზს მესის დარტყმის შემდეგ კარიდან ბურთის გამოტანა 15-ჯერ მოუწია.

აღსანიშანვია, რომ ლიონელს გოლი იტალიელი ჯანლუიჯი ბუფონის კარში ჯერ კიდევ არ გაუტანია. თუმცა ისიც სათქმელია, რომ ბუფონსა და მესის ერთმანეთის წინააღმდეგ თამაში მხოლოდ შარშანდელი ჩემპიონთა ლიგის ფინალში მოუწიათ.