დუდა სანაძის “სან დიეგომ” აშშ-ს სტუდენტურ ლიგაში “ბრიგჰემ იანგთან” ზედიზედ მე-2 მატჩი წააგო და თანაც, გამანადგურებელი ანგარიშით – 33:91.

საინტერესოა, რომ სან დიეგოელებმა ოცივე (!) სამქულიანი ააცილეს და თამაშიდან 57-დან მხოლოდ 14 ტყორცნა გამოიყენეს.

ამ ფონზე გასაკვირი არ ყოფილა, რომ შედეგიანობით ვერც ქართველი ლეგიონერი გამოირჩა. სანაძემ 18 წუთში 9-დან 2 ორქულიანი ჩააგდო, 3 სამქულიანი და საჯარიმო ააცილა და 4 ქულა, 4 მოხსნა და 1 პასი მოაგროვა.

“სან დიეგო ტორეროსი” ვესთ ქოუსთის დივიზიონში 3 მოგებით და 13 მარცხით ბოლო ადგილზეა, , მომდევნო მატჩს კი 26 თებერვალს “პორტლენდ პილოტსთან” გამართავს.