ქართველი ჩოგბურთელი სოფო შაფათავა ბრაზილიურ რიო დე ჟანეიროში მიმდინარე საერთაშორისო ტურნირის (საპრიზო ფონდი 250 ათასი დოლარი) ერთეულთა გათამაშებას კვალიფიკაციაში გამოეთიშა, წყვილებში კი ძირითად ბადეში იასპარეზებს.
შაფათავა ესპანელ ლაურა პოუს-ტიოსთან გახლავთ შეამხანაგებული და პირველ რაუნდში ძალებს მე-4 ნომრად განთესილ პარაგვაულ-არგენტინულ დუეტთან (ვერონიკა სეპედე როიგი-მარია ირიგოიენი) მოსინჯავს.
“რიო ოუფენის” მეოთხედფინალში გასვლის შემთხვევაში, შაფათავა და პოუს-ტიო 60-60 სარეიტინგო ქულას მიიღებენ.
