გერმანიის მეორებუნდესლიგელი “დუისბურგის” მწვრთნელი ილია გრუევი აღნიშნავს, რომ გიორგი ჭანტურია ბოლო ერთ კვირაში ვარჯიშებზე უკეთ გამოიყურება:
“გიორგი ახლა უფრო სწრაფად დარბის, ვიდრე ადრე. გამძლეობაშიც უკეთესობა ეტყობა. ჭანტურია ცდილობს, რომ უფრო აგრესიული გახდეს და იმედი გვაქვს, მისი თამაში მეორე ბუნდესლიგაში დარჩენაში დაგვეხმარება” - გრუევის სიტყვებს გერმანული reviersport-ი აქვეყნებს.
მწვრთნელი ადრე აღნიშნავდა, რომ თურქულ შეკრებაზე ჭანტურიას გაუჭირდა და საკონტროლო მატჩებში კარგად ვერ თამაშობდა, თუმცა ამჯერად პროგრესს ატყობს.
“დუისბურგი” ბოლო ადგილზეა და მეორე ბუნდესლიგის მატჩს ზეგ ჩაატარებს, გასვლაზე “არმინიას” დაუპირისპირდება.
