იტალიური “ნაპოლი” ჩინებულ სეზონს ატარებს და XXII ტურის შემდეგ 50 ქულით სერია A-ს გათამაშებასაც ლიდერობს. მაურიციო სარის შეგირდები კალჩოს ცხრილის სათავეში რომ არიან, დიდწილად თავდამსხმელების, გონსალო იგუაინისა და ლორენცო ინსინიეს კარგი თამაშის დამსახურებაა. ორივე ზემოხსენებული ფორვარდის ანგარიშზე იტალიის ჩემპიონატში ამ დროისთვის 32 გოლია (იგუაინი – 22, ინსინიე – 10), რაც სერია A-ს ერთბაშად 15 გუნდის საერთო შედეგიანობაზე მაღალი მაჩვენებელია.

იტალიაში 32 გოლზე მეტი გატანილი დღეისათვის მხოლოდ ოთხ გუნდს, “იუვენტუსს”, “რომას”, “ფიორენტინასა” და “სამპდორიას” აქვთ. ამის ფონზე გასაკვირი არაა, რომ ბომბარდირთა დავას არგენტინელი იგუაინი დამაჯერებლად ლიდერობს, რომელსაც 22 მატჩში ამდენივე გოლი აქვს გატანილი, ხოლო მეორე-მესამე ადგილებზე მყოფ პაულო დიბალასა და ედერს ოდენ 12-12 გოლი.

სხვათა შორის, “პიპიტა” რეკორდსაც უმიზნებს. კერძოდ, შორეულ 1949-1950 წლების სეზონში “მილანის” თავდამსხმელმა გუნარ ნორდალმა სეზონში 35 გოლი შეაგდო და ეს მაჩვენებელი დღემდე აპენინზე მიუღწეველია. შეძლებს თუ არა, დარჩენილ დროში გონსალო კიდევ 14 გოლის გატანას ამას დრო გავანხებს, მაგრამ მის დღევანდელ ფორმას თუ გავითვალისწინებთ, გასაკვირი არაფერი იქნება...

იგუაიანისა და ინსინიეს ასეთი შედეგიანობა “ნაპოლის” თამაშზეც ისახება – “ემპოლისთან” (5:1) მოგება ნეაპოლიტანური გუნდისთვის მიჯრით მეექვსე იყო, ასეთი რამ კი ამ კლუბს 1987-1988 წლების სეზონის შემდეგ არ გაუკეთებია. ღაც შეეხება შედეგიან თამაშს, ყველა ტურნირზე 31 შეხვედრაში “ნაპოლის” მინიმუმ 2 გოლი 23 მატჩში გაჰქონდა (74.2%), ხოლო სარის გუნდი საშუალოდ თამაშში 2.4 გოლს იტანს.