საქართველოს ფეხბურთის ფედერაციის აღმასრულებელმა კომიტეტმა 21-წლამდელთა ნაკრების მთავარი მწვრთნელის თანამდებობაზე გია გეგუჩაძის კანდიდატურა დღეს ერთხმად დაამტკიცა. თბილისის “დინამოს” აწ უკვე ყოფილმა თავკაცმა ახალგაზრდულ ნაკრებში ალექსანდრე ჩივაძე შეცვალა.
ფეხბურთის ფედერაციის პრესსამსახურის ცნობით, 21-წლამდელთა ნაკრების ახალი მწვრთნელის წარდგენა და პრესკონფერენცია 27 იანვარს, 15:00 საათზე, მიხეილ მესხის სახელობის მედიაცენტრში გაიმართება.
