მადრიდის “ატლეტიკოს” ფორვარდ ფერნანდო ტორესს თავისთან თამაშს დღეისათვის ერთბაშად რვა გუნდი სთავაზობს. ამის შესახებ “ელ ნინიოს” აგენტმა ხოსე ანტონიო მარტინმა გამოცემა “მუნდო დეპორტივოსთან” საუბრისას განაცხადა.

კონტრაქტის გახანგრძლივება? – ვფიქრობთ, დღიდან დღემდე, თამაშიდან თამაშამდე. დიეგო სიმეონე ფერნანდოსთან საუბარს აპირებს და ყველაფერს კლუბი გადაწყვეტს. თუმცა დღეს, მაგიდაზე მიდევს შემოთავაზება 8 სხვადასხვა გუნდისგან.” - თქვა ტორესის აგენტმა.

31 წლის ესპანელი თავდამსხმელი “ატლეტიკოს” ერთი წლის წინ დაუბრუნდა, მაგრამ ძველი ფორმა ვერაფრით აღიდგინა და ჯამში “როხიბლანკოს” 5 გოლით შეეწია. მიმდინარე სეზონში კი 16 ჩატარებულ შეხვედრაში მხოლოდ 2 გოლი აქვს გატანილი.