ეროვნულმა საკალათბურთო ასოციაციამ “ყველა ვარსკვლავთა მატჩის” გამოკითხვის მე-3 და ბოლო შუალედური შედეგები გამოაქვეყნა, რომლის თანახმადაც ზაზა ფაჩულიას მონაგარი 299 584 ხმაა და ის დასავლეთ კონფერენციის წინახაზელებს შორის ისევ მე-8 ადგილზე იმყოფება.
შეგახსენებთ, რომ “დალას მავერიქსის” ქართველ ცენტრს გასული შედეგებით 194 421 ხმა ჰქონდა, ამდენად, მას 100 ათასზე მეტი ხმა შეემატა, თუმცა, რეიტინგში აღსაზევებლად, ეს, საკმარისი არ აღმოჩნდა.
სხვა საქმეა, რომ ზაზა “სან ანტონიოს სპურზის” ლეგენდა ტიმ დანკანს მხოლოდ 4 ათასამდე ხმითღა ჩამორჩება და მიუწვდომელი არც “ნიუ ორლეანელი” ენტონი დევისი სჩანს.
ამასთან, ფაჩულია ისეთ აღიარებულ კალათბურთელებს უწრებს, როგორებიც დემარკუს ქაზინსი, დუაიტ ჰოვარდი, მისივე თანაგუნდელი დირკ ნოვიცკი და სხვები არიან.
ისიც ვთქვათ, რომ არსებული შედეგებით, ზაზა თავისი 300 ათასამდე ხმით, აღმოსავლეთ კონფერენციაში პაუ გასოლის წინ, მე-5 პოზიციაზე იქნებოდა.
ამ დროისთვის, ჩამონათვალში პირველ ადგილზე კობი ბრაიანტია 1 533 432 ხმით, მას კი კვალში სტეფ კარი და ლებრონ ჯეიმსი უდგანან.
გამოკითხვის შედეგად, თითოეული კონფერენციის წინახაზელებიდან "ოლ სტარზე" 3-3 საუკეთესო მოხვდება, უკანახაზელებიდან კი – 2-2 გამორჩეული.
ცნობისთვის, ხმის მიცემა 18 იანვარს შეწყდება, “ოლ სტარი” კი 14 თებერვალს, ტორონტოში გახლავთ დაგეგმილი.
აღმოსავლეთ კონფერენცია
წინახაზელები
- ლებრონ ჯეიმსი (კლივლენდი) 830 345 ხმა
- პოლ ჯორჯი (ინდიანა) 569 947
- კარმელო ენტონი (ნიუ იორკი) 368 336
- ანდრე დრამონდი (დეტროიტი) 361 307
- პაუ გასოლი (ჩიკაგო) 294 172
უკანახაზელები
- დუეინ უეიდი (მაიამი) 736 732
- კაირი ირვინგი (კლივლენდი) 399 757
- კაილი ლოური (ტორონტო) 367 472
- ჯიმი ბატლერი (ჩიკაგო) 356 561
- ჯონ უოლი (ვაშინგტონი) 281 936
დასავლეთ კონფერენცია
წინახაზელები
- კობი ბრაიანტი (ლეიკერსი) 1 533 432
- კევინ დიურანტი (ოკლაჰომა სიტი) 774 782
- დრეიმონდ გრინი (გოლდენ სტეიტი) 499 947
- კავაი ლეონარდი (სან ანტონიო) 487 626
- ბლეიკ გრიფინი (კლიპერსი) 396 630
- ენტონი დევისი (ნიუ ორლეანი) 326 070
- ტიმ დანკანი (სან ანტონიო) 303 498
- ზაზა ფაჩულია (დალასი) 299 584
- დემარკუს ქაზინსი (საკრამენტო) 267 087
- ენეს კარტერი (ოკლაჰომა სიტი) 261 608
უკანახაზელები
- სტივ კარი (გოლდენ სტეიტი) 1 206 467
- რასელ უესტბრუკი (ოკლაჰომა სიტი) 609 901
- კრის პოლი (კლიპერსი) 410 284
- კლეი ტომპსონი (გოლდენ სტეიტი) 386 053
- ჯეიმს ჰარდენი (ჰიუსტონი) 319 596
