ზაზა ფაჩულიამ სეზონის მეოცე ორმაგი დუბლი “კლივლენდ კავალიერსთან” წაგებულ მატჩში (107:110) შეასრულა (VIDEO).

ზაზა ტრადიციულად სასარტო 5-ეულში იმყოფებოდა და პარკეტზე 31 წუთი დაჰყო. ამ დროში, საქართველოს ნაკრების კაპიტანმა “დალასს” 14 ქულა, 12 მოხსნა, 3 პასი და ერთი ბლოკ-შოტი შესძინა. ფაჩულიამ 6-დან 4 ორქულიანი და 6-დან 6 საჯარიმო სროლა ჩააგდო. ქართველმა ცენტრმა თავისი უშუალო კონკურენტები ტრისტან ტომპსონი და ტიმოფეი მოზგოვი აშკარად დაჩაგრა.

მატჩის საუკეთესო მოთამაშე ლებრონ ჯეიმსი გახლდათ - 27 ქულა, 10 მოხსნა და 7 პასი. “დალასში” 25 ქულით ჩენდლერ პარსონსი გამოირჩა.

“დალასი” შემდეგ შეხვედრას გასვლაზე “ოკლაჰომას” წინააღმდეგ გამართავს, შეხვედრა 14 იანვარს თბილისის დროით 05:00 საათზე დაიწყება.