თბილისის ახალი სპორტის სასახლე ბერძნულ-რომაული და თავისუფალი სტილით ჭიდაობებში საქართველოს 2016 წლის ჩემპიონატს მასპინძლობს, რომლის შედეგებითაც ტრადიციულად, ორივე სტილში ეროვნული ნაკრებები უნდა დაკომპლექტდეს.

სამდღიანი ტურნირის პირველ დღეს წინასწარი ეტაპის შეხვედრები უკვე დასრულდა და ბერძნულ-რომაულის 66, 71 და 75 კილოგრამ წონით კატეგორიებში და თავისუფალი ჭიდაობის 65 და 70 კილოგრამში ფინალისტები გამოვლინდნენ. აქვე ოქროს მედლისთვის მებრძოლი წყვილებიც:

ბერძნულ-რომაული

66 კგ

შმაგი ბოლქვაძე – გიორგი დავითაია

71 კგ

გიორგი ჯავახია – მინდია წულუკიძე

75 კგ

ზურაბ დათუნაშვილი – გიორგი დათუნაშვილი

თავისუფალი

65 კგ

კონსტანტინე ხაბალაშვილი – ზურაბ იაკობაშვილი

70 კგ

დიმიტრი ბასილაშვილი – დავით ტლაშაძე

ფინალური ბლოკის შეხვედრები 17 საათიდან დაიწყება.