“ბაიერნმა” ახალგაზრდა ფეხბურთელი ჯანლუკა გაუდინო შვეიცარიულ “სენტ-გალენში” 2016/17 წლების სეზონის ბოლომდე გაანათხოვრა. ინფორმაცია მიუნხენული კლუბის ოფიციალურმა ვებგვერდმა გაავრცელა.
“რეკორდმაისტერების” აკადემიის აღზრდილი ცენტრალური ნახევარმცველი მთავარ გუნდში 2014 წლის ივლისში დააწინაურეს. მიმდინარე სეზონში ახალგაზრდულ გუნდში გაუდინომ 20 მატჩი ჩაატარა და 1 გოლი გაიტანა. ფეხბურთელის სატრანსფერო ღირებულება 2.5 მილიონ ევროს შეადგენს.
