რაფაელ ნადალმა დოჰას ტურნირის მეოთხედფინალში მძიმე ბრძოლაში რუსი ანდრეი კუზნეცოვი 6:3, 5:7, 6:4 დაამარცხა. შეხვედრა 2 საათსა და 9 წუთს გაგრძელდა. პირველი სეტი რაფამ ერთი ბრეიკით უპრობლემოდ მოიგო. მეორე სეტში მოულოდნელად რუსი უკეთ ათამაშდა და რაფაელს დიდი ბრძოლა გაუმართა საბოლოოდ კი გამარჯვებულის გამოსავლენად მესამე სეტი დაინიშნა. სადაც რაფამ კუზნეცოვს გამოცდილებით აჯობა. ნახევარფინალში ესპანელი უკრაინელ ილია მარჩენკოს შეხვდება.

Qatar ExxonMobil Open-ის საპრიზო ფონდი 1.2 მილიონ ამერიკულ დოლარს შეადგენს.