საქართველოს წყალბურთელთა ნაკრებმა, რომელიც თურქეთის ქალაქ სტამბოლში საერთაშორისო ტურნირზე თამაშობს, მე-2 გამარჯვება იზეიმა.

შეგახსენებთ, რომ იოვან პოპოვიჩის შეგირდებმა საწყის მატჩში მასპინძელ თურქეთს 14:10 სძლიეს, გუშინ კი რუმინეთი, რომელიც იანვარში დაგეგმილ ევროპის ჩემპიონატზე ჩვენი გუნდის ერთ-ერთი მეტოქეა, 12:9 მოუგეს.

სტამბულის ტურნირის გამარჯვებულის ვინაობა 30 დეკემბერს გაირკვევა, როდესაც ერთმანეთს საქართველოს და ჰოლანდიის ეროვნული ნაკრებები გაეჯიბრებიან. საწყის ტურებში “ნარინჯისფრებმა” რუმინეთს 12:6 სძლიეს, ხოლო თურქეთს – 12:7.