ზაზა ფაჩულიას “დალას მავერიკსი” კანადაში “ტორონტოსთან” 103:99 დამარცხდა.

ფაჩულია სასტარტო ხუთეულში იმყოფებოდა და პარკეტზე უჩვეულოდ ცოტა დრო 18 წუთი დაჰყო. ამ დროში ქართველმა ცენტრმა გუნდს 7 ქულა, 3 მოხსნა, 2 პასი, 1 ჩაჭრა და ერთი ბლოკ-შოტი შესძინა. ზაზამ 6-დან 3 ორქულიანი და 1-დან ერთი საჯარიმო სროლა ჩააგდო.

“დალასის” მეორე ცენტრმა ჯავალ მაკგიმ პარკეტზე 17 წუთი დაჰყო და 5 ქულა და 5 მოხსნა შესძინა გუნდს.

მატჩში ყველაზე მეტი 28 ქულა კანადელთა ლიდერმა დეროზანმა ჩააგდო, “დალასში” 20 ქულით დირკ ნოვიცკი საუკეთესო იყო.

“დალასი” 15 მოგებით და 13 წაგებით დასავლეთ კონფერენციაში მეხუთე ადგილს იკავებს.