ბოლნისის “სიონი” ანტალიურ შეკრებაზე რუმინულ “კრაიოვასა” და დანიურ “ოლბორგს” დაუპირისპირდება.

როგორც "სიონის" ოფიციალური ვებგვერდი (www.fcsionibolnisi.com) იტყობინება, ორივე კლუბთან კონტრაქტი უკვე გაფორმებულია. ბოლნისური გუნდი ზამთრის შეკრებაზე სულ 5 ამხანაგური მატჩის გამართვას გეგმავს, აქედან ორი სპარინგ-პარტნიორი უკვე გარკვეულია.

რუმინულ “კრაიოვასთან” შეხვედრა 3 თებერვალს გაიმართება, დანიურ “ოლბორგთან” კი – 11 თებერვალს.

“კრაიოვა” რუმინეთის უმაღლეს ლიგაში 27 ქულით მერვე ადგილს იკავებს. “ოლბორგი” კი დანიური სუპერლიგის ერთ-ერთი ლიდერია და 34 ქულით მეორე ადგილზეა.