კატალონიის “ბარსელონას” არგენტინელ ვარსკვლავ ლიონელ მესის ტოკიოს აეროპორტ “ნარიტაში” “რივერ პლეიტის” ქომაგმა შეაფურთხა. გამოცემა “მარკას” ინფორმაციით, მესის იაპონიიდან ესპანეთში დაბრუნებისას “რივერის” გულშემატკივრები დახვდნენ და არცთუ თბილად მოიხსენიებდნენ, ხოლო ერთ-ერთმა მათგანმა ზემოხსენებული საქციელით გამოხატა მისდამი დამოკიდებულება.
მოგეხსენებათ, “ბარსელონამ” მსოფლიოს საკლუბო ჩემპიონატის ფინალში ბუენოს აირესის “რივერ პლეიტი” 3:0 დაამარცხა და აღნიშნულ მატჩში პირველი გოლი სწორედ მესიმ გაიტანა.
