მადრიდის “რეალის” 30 წლის შემტევი კრიშტიანუ რონალდუ სასტუმროების აშენებას გეგმავს, აღნიშნულ ინფორმაციას Dailymail-ი ავრცელებს.
წყაროს ცნობით, გუშინ ლისაბონში კრიშტიანუმ Pestana Hotel Group-ის პრეზიდენტთან ერთად 4 სასტუმროს მშენებლობაზე ისაუბრა, რომლებიც ლისაბონში, მადრიდში, ნიუ იორკში და მადეირაში აშენდება. სასტუმროთა ქსელს CR7 ერქმევა. ოთხივე სასტუმროს აშენება 70 მილიონი ევრო დაჯდება.
“ფეხბურთი ჩემი სამსახურია, მაგრამ ეს ყოველთვის ასე არ იქნება. გადავწყვიტე ახალი პროექტი მსოფლიოში საუკეთესო გუნდთთან ერთად დავიწყო, იმ ხალხთან, რომლებიც ამ საქმეში პროფესიონალები არიან. ჩემს შვილზე და ჩემს მომავალ ოჯახზე ვფიქრობ”- განაცხადა რონალდუმ.
