“მინესოტა ტიმბერვულვზის” გამთამაშებელ რიკი რუბიოს “ნიუ იორკ ნიქსთან” წაგებულ (102:107) მატჩში ოთხმაგ დუბლამდე ცოტა დააკლდა. 34 წუთში ესპანელი კალათბურთელის მონაგარი 9 ქულა, 10 მოხსნა, 12 პასი და 8 ჩაჭრა გახლდათ.

საინტერესოა, რომ ნბა-ს ისტორიაში კვადრუპლ-დაბლი მხოლოდ ოთხ კალათბურთელს აქვს შესრულებული: ნეიტ ტერმონდს, ელვინ რობერტსონს, ჰაკიმ ოლაჯუონს და დევიდ რობინსონს. უკანასკნელად, ამგვარი რამ 1994 წელს დაფიქსირდა.