“მაიამი ჰიტის” ლიდერმა დუეინ უეიდმა კარიერაში მე-800 შეხვედრა ჩაატარა. გამთენიისას “შარლოტ ჰორნეტსმა” შინ “მაიამი ჰიტი” 99:81 დაამარცხა. საიუბილეო შეხვედრაში უეიდმა გუნდს 11 ქულა 4 პასი და 2 მოხსნა შესძინა.

უეიდმა რვაასივე შეხვედრა “მაიამი ჰიტის” მაისურით ჩაატარა. ერთი და იმავე გუნდში ჩატარებული მატჩების რაოდენობით მას რამდენიმე კალათბურთელი უსწრებს: დირკ ნოვიცკი (“დალასი”), კობი ბრაიანტი (“ლეიკერსი”), ტონი პარკერი, მანუ ჯინობილი, ტიმ დანკანი (სამივე “სან ანტონიო”), ნიკ კოლისონი (“ოკლაჰომა”,)

ნაციონალური საკალათბურთო ასოციაციის ისტორიაში ყველაზე მეტი 1611 შეხვედრა რობერტს პერიშს აქვს ჩატარებული.