კლაუდიო რანიერის გაწვრთნილმა “ლესტერმა” “სუონსი” სტუმრად 3:0 დაამარცხა, მიმდინარე სეზონში 32 ქულა დააგროვა და პრემიერლიგას ერთპიროვნულად ჩაუდგა სათავეში.

“მელიებს” უელსურ გუნდთან რიად მაჰრეზიმ ულიდერა. ალჟირელმა ფეხბურთელმა ჰეთ-თრიკი შეასრულა. ინგლისის ჩემპიონატს რეკორდსმენმა ჯემიე ვარდიმ (11 გოლი ზედეზედ 11 მატჩში) ამ მატჩში თავი მხოლოდ საგოლე გადაცემით გამოიჩინა.

“არსენალმა” “სანდერლენდი” 3:1 დაამარცხა და მეორე ადგილზე აღზევდა. “მეთოფეებმა” 30 ქულა დააგროვეს და მანჩესტერული კლუბები 1 ქულით ჩამოიტოვეს. “სიტი” სტუმრად “სტოკისთან” (0:2) დამარცხდა, ხოლო “იუნაიტედმა” შინ “ვესტ ჰემს” (0:0) ვერ მოუგო. ორივე გუნდს 29-29 ქულა აქვს.