ამ დღეებში შვეიცარიის ქალაქ ციურიხში ფიფას აღმასკომი მიმდინარეობს და ქვეყნის პოლიციაც თავისი ფეხით ჩასული ამ ორგანიზაციის ჩინოვნიკების დაპატიმრების ახალ სერიას აწარმოებს.

New York Times-ის ცნობით, დააპატიმრებენ 10-ზე მეტ ადამიანს და მათი უმრავლესობა კონმებოლისა და კონკაკაფის წარმომადგენელი იქნება. დაკავებები აშშ-ს მთავრობის მიერაა ინიცირებული და საქმე რა თქმა უნდა კორუფციულ სკანდალს ეხება.

2015 წლის მაისის მოვლენების მსგავსად, დაჭერები იმავე სასტუმროში მიმდინარეობს - Baur au Lac-ში. პოლიციის წარმომადგენლები შენობაში გამთენიისას, 6 საათზე შევიდნენ. საგანგებო მდგომარეობის გამო, ფოიეში მყოფ ადამიანებს შენობა დაატოვებინეს.

ბოლო ინფორმაციით, დაკავებულთა შორის არიან კონკაკაფისა და კონმებოლის ხელმძღვანელები. აღნიშნულთან დაკავშირებით ფიფა საგანგებო სხდომის გამართვას გეგმავს.