საქართველოს საკალათბურთო ნაკრების წევრი მანუჩარ მარკოიშვილი სტამბულში შეკრებაზე მყოფი ბერძნულ-რომაულ ჭიდაობაში საქართველოს ახალგაზრდული ნაკრების ვარჯიშს დაესწრო.

ამ ინფორმაციას და შესაბამის ფოტოებს საქართველოს ჭიდაობის ფედერაციის ფეისბუქის ოფიციალური გვერდი ავრცელებს.

ჩვენის მხრივ დავძენთ, რომ მარკოიშვილს 4 დეკემბერს ევროლიგის ეგიდით მნიშვნელოვანი მატჩი ელის, როდესაც მისი “დარუშაფაკა” სტამბოლშივე მალაგას “უნიკახას” უმასპინძლებს.