კამერუნელი ვარსკვლავი სამუელ ეტოო თურქეთის ჩემპიონატში სუპერსეზონს ატარებს. მან 13 მატჩში 11 გოლი გაიტანა და თანაც, ბოლო 6 შეხვედრაში უგოლოდ არ გასულა მოედნიდან. ეტოო ბომბარდირთა სიაში პირველია და ორი ბურთით უსწრებს გერმანელ მარიო გომესს, რომელიც “ბეშიქთაშში” თამაშობს.

როგორც იცით, კამერუნელი “ანთალიასფორში” თამაშობს და გუშინ “ოსმანლისფორს” გაუტანა. ეტოომ 85-ე წუთზე ანგარიში გაათანაბრა. მიუხედავად 34 წლის ვარსკვლავის შედეგიანი თამაშისა, “ანთალიასფორი” სუპერლიგაში მეათე ადგილზეა.