“მანჩესტერ იუნაიტედის” ყოფილი მცველი რიო ფერდინანდი მიიჩნევს, რომ ინგლისის პრემიერლიგაში მოთამაშე ფეხბურთელების დონე ადრინდელთან შედარებით დაბალია.

“პრემიერლიგის ახლანდელი გუნდები არ არიან ისეთი ძლიერები, როგორც ადრე. 21-ე საუკუნეში ინგლისის ჩემპიონატი ასეთ დაბალ დონეზე აქამდე არ ყოფილა. ამის რამდენიმე მიზეზი არსებობს. პირველი: მსოფლიოს საუკეთესო ფეხბურთელები პრემიერლიგაში აღარ თამაშობენ. მეორე: ჩვენ ჩემპიონატში საუკეთესო ფეხბურთელების შემდეგ სიძლიერით მეორე ეშელონის მოთამაშეებიც არ არიან. ახლა პრემიერლიგაში არ არის გუნდი, რომელიც, მაგალითად 1999 და 2008 წლის “მანჩესტერს” მოუგებდა ან წაუგებელ “არსენალს” და მოურინიოს პირველი წლების “ჩელსის” დაამარცხებდა” – განაცხადა რიო ფერდინანდმა.