მადრიდის “რეალის” მთავარმა მწვრთნელმა რაფაელ ბენიტესმა კლუბის პრეზიდენტს ფლორენტინო პერესს ნდობისთვის მადლობა გადაუხადა და აღნიშნა, რომ რონალდუსთან პრობლემები არ აქვს.

“ბარსელონასთან” “სანტიაგო ბერნაბეუზე” წაგებული (0:4) მატჩის შემდეგ კლუბის ხელმძღვანელმა ესპანელ სპეციალისტს მხარდაჭერა გამოუცხადა. ევროპულ მედიაში გავრცელებული რონალდუს კომენტარის თანახმად კი, თუ ბენიტესი “რეალში” დარჩება პორტუგალიელი გუნდიდან წასვლას დააპირებს.

“ჩემი გუნდი ერთ მუშტადაა შეკრული. მადლობა პრეზიდენტს თანადგომისთვის. ჩვენ უკვე გავაანალიზეთ შეცდომები და მინდა სეზონის სტარტზე მიღებული პოზიტიური ემოციებით გავაგრძელოთ სეზონი. კრიშტანუ რონალდუ დიდებული ფეხბურთელია, გუნდის მთავარი მოთამაშე და მასთან პრობლემა არ მაქვს.” – ციტირებს ბენიტესის სიტყვებს AS-ი.

“რეალი” ჩემპიონთა ლიგის მატჩს 25 ნოემბერს “შახტარის” წინააღმდეგ სტუმრად გამართავს.