ვთბ-ლიგის მონაწილე ქართულმა კლუბმა “ვითამ” მორიგი მატჩი სანკტ-პეტერბურგში ტურნირის ერთპიროვნულ ლიდერ “ზენიტთან” ჩაატარა და გასაკვირი არ ყოფილა, რომ უიმედოდ დამარცხდა – 50:101.

თბილისურ კლუბს განაცხადში მხოლოდ 9 კალათბურთელი ჰყავდა, რომელთაგან ლეგიონერი ორიღაა – ამერიკელი პიერია ჰენრი და უკრაინელი კონსტანტინ ანიკეენკო.

სტუმართა რიგებში ყველაზე მეტად სწორედ ჰენრი გამოირჩა 15 ქულით, 7 მოხსნითა და 5 პასით. 13 ქულა იყო ირაკლი ჩლაიძის აქტივში.

“ვითა” 9 მარცხით ბოლო ადგილზე იმყოფება, მომდევნო შეხვედრა კი 29 ნოემბერს, თბილისში, ლატვიური ვეფ-ის წინააღმდეგ ელის.