მსოფლიოს ნომერ პირველი ჩოგბურთელი სერბი ნოვაკ ჯოკოვიჩი წლის შემაჯამებელი ტურნირის ნახევარფინალში ითამაშებს. ჯგუფური ეტაპის ბოლო შეხვედრაში ნოვაკმა ჩეხ ტომაშ ბერდიხს 6:3, 7:5 მოუგო (VIDEO). შეხვედრამ საათსა და 31 წუთს გასტანა.
უცნაურია მაგრამ ნოლეს შეხვედრაში არც ერთი ეისი და არც ერთი ორმაგი შეცდომა არ დაუშვია, ბერდიხს 10 ეისი და 2 ორმაგი შეცდომა ჰქონდა. ნოვაკმა ბერდიხთან შედარებით თითქმის ორჯერ ნაკლები უნებლიე შეცდომა დაუშვა: ნოლე – 16, ბერდიხი – 31.
საბოლოოდ, ა ჯგუფდან ნახევარფინალში როჯერ ფედერერი და ნოვაკ ჯოკოვიჩი ითამაშებენ. მათ მეტოქეებს დღეს ნადალი-ფერერის და ვავრინკა-მარეის მატჩები გამოარკვევს.
Aა ჯგუფი
| 1. | როჯერ ფედერერი | 3 | 3 | 0 | 6:1 | 3 | |
| 2. | ნოვაკ ჯოკოვიჩი | 3 | 2 | 1 | 4:2 | 2 | |
| 3. | კეი ნიშიკორი | 3 | 1 | 2 | 3:5 | 1 | |
| 4. | ტომაშ ბერდიხი | 3 | 0 | 3 | 1:6 | 0 |
