ქართველი ჩოგბურთელები სოფო ქვაცაბაია და ეკატერინე გორგოძე ძალებს თურქეთის ქალაქ ანტალიაში მიმდინარე 10-ათასიან ტურნირში მოსინჯავენ.

მე-3 ნომრად განთესილი ქვაცაბაია პირველ რაუნდში ჩინელ იუენუ ლის ეთამაშება, ხოლო მე-4 რეიტინგის მქონე გორგოძე კვალიფიკაციის ერთ-ერთ გამარჯვებულ – რუმინელ მიჰაელა ჯიოკას გაეჯიბრება.

წყვილებში ქართველ გოგონებს პირველი განთესვა გააჩნიათ და მერვედფინალში “უაილდ ქარდის” მქონე რუმინელებს – ნეგოიტას და ნიტესკუს დაუპირისპირდებიან.