საქართველოს ქალ მოჭადრაკეთა ნაკრებმა ევროპის გუნდური ჩემპიონატის მე-2 ტურშიც გამარჯვება იზეიმა. ისლანდიის დედაქალაქ რეიკიავიაკში მიმდინარე შეჯიბრზე ქართველებმა თურქეთს 2.5:1.5 სძლიეს და ლიდერთა შორის რჩებიან.

საქართველო – თურქეთი 2.5:1.5

ძაგნიძე (2566) 1:0 ატალიკი (2385)

ხოტენაშვილი (2512) 0:1 ილდიზი (2348)

ჯავახიშვილი (2479) 0.5:0.5 ოზთურქი (2256)

ბაციაშვილი (2509) 1:0 ისკანდაროვა (2200).

2 ტურის თავზე ოთხ-ოთხი ქულით ევროპირველობის სათავეში საქართველო, უკრაინა, იტალია და რუსეთი იმყოფებიან.

მე-3 ტურში საქართველოს ჩემპიონობისთვის ბრძოლაში ერთ-ერთ უშუალო კონკურენტ უკრაინასთან პრინციპული დაპირისპირება ელის, რუსეთი კი იტალიას ეთამაშება.

წარმატებული დღე ჰქონდა საქართველოს ვაჟ მოჭადრაკეთა ნაკრებსაც, რომელმაც მეხუთე ნომრად განთესილ ინგლისის უძლიერეს ნაკრებთან ყაიმი დააფიქსირა.

ინგლისი – საქართველო 2:2

ადამსი (2744) 0.5:0.5 ჯობავა (2668)

ჰოუელი (2693) 0.5:0.5 მჭედლიშვილი (2618)

მაკშეინი (2687) 0.5:0.5 ფანცულაია (2567)

ჯოუნსი (2615) 0.5:0.5 გაგუნაშვილი (2539)

მომდევნო შეხვედრაში ქართველი მოჭადრაკეები, რომელთაც 3 ქულით მე-7 ადგილი უკავიათ, პოლონეთს გაეჯიბრებიან.

ოთხ-ოთხი ქულით ლიდერები აზერბაიჯანი, რუსეთი, უკრაინა, ესპანეთი და საფრანგეთი არიან.