ზაზა ფაჩულიამ ეროვნულ საკალათბურთო ასოციაციაში მორიგი დიდებული შეხვედრა ჩაატარა. 31 წლის ქართველმა ლოს ანჟელეს “ლეიკერსთან” მატჩში ორმაგი დუბლი შეასრულა. ზაზამ პარკეტზე 31.02 წუთი გაატარა, რომლის განმავლობაშიც 18 ქულა, 16 მოხსნა და 2 ასისტი მიითვალა. 11-დან 8 საჯარიმო ისროლა ზუსტად, ხოლო 7 ორქულიანიდან კალათში ხუთი მოათავსა.

რაც შეეხება მოხსნებს: 16-დან 13 საკუთარ ფარზე გააკეთა, ხოლო დანარჩენი მეტოქის. აღსანიშნავია, რომ ფაჩულიამ განსაკუთრებით კარგად მატჩის ბოლო ნაწილი ჩაატარა, რომელიც გადამწყვეტი აღმოჩნდა, როცა კობი ბრაიანტის გუნდს 7 ქულა და 4 მოხსნა გაუკეთა. შეხვედრა “მავერიქსმა” 90:82 მოიგო, ხოლო მატჩის საუკეთესო კალათბურთელად ფაჩულია დასახელდა. ეს ზაზას რიგით მეხუთე ორმაგი დუბლია მიმდინარე სეზონში.

ზაზა ფაჩულიას მატჩის საუკეთესო მომენტები